انتخابات مجلس الشعب " المنشاة 2011"

بسم الله الرحمن الرحيم

الحمد لله رب العالمين، والصلاة والسلام على سيدنا محمد وعلى آله وصحبه أجمعين.. وبعد اقدم لكم اعتذارى عن عدم الانتظام فى طرح موضوعات على صفحات المدونة ، وذلك لعدم تفرغى للتدوين ولكن كلما وجدت فرصة لاكتب فاننى لا أتردد فى ذلك ، واليوم قررت أن أكتب  عن الانتخابات البرلمانية القادمة ، وفى البداية احب أن اوضح لكم كيف اصبحت الدائرة والبلاد التى تضمها الدائرة ، عايز أقول ببساطة شديدة جدا ان دائرة الشورى زمان بقت دائرة شعب دلوقتى يعنى احنا زمان كنا فى انتخابات الشورى كانت الدائرة بتشمل المنشاة والدويرات والعسيرات وجرجا نفس البلاد بنفس التقسيم بقت هى دائرة الشعب فالمرة دى بس ده على نظام المقاعد الفردية يعنى مطلوب من الدائرة دى عضوين فقط  لا غير .

طيب وايه موضوع القوائم الانتخابية ده ؟

بص يا سيدى متقلقش  المسالة بسيطة ، عدد الدوائر قل على مستوى الجمهورية مش بس عندنا ده بالنسبة للمقاعد الفردية وهم عوضوا ده فى نظام القوائم الانتخابية ، وعملوا دوائر انتخابية للقوائم دى  يعنى المنشاة مثلا بقت ضمن دائرة جنوب سوهاج فالقوائم والدائرة فيها معانا  مركز شرطة جرجا ، قسم شرطة جرجا ، مركز شرطة المنشأة ، مركز شرطة العسيرات ، مركز شرطة البلينا ،
 مركز شرطة دار السلام
نقول تانى حضرتك هتدخل تنتخب هتختار اتنين على المقاعد الفردية بالنسبة للبلاد اللى قولنا عليا فالاول اللى هم المنشاة والدويرات والعسيرات وجرجا ، وفى نفس الوقت هتختار قائمة من القوائم المترشحة عن دائرة جنوب سوهاج
معلش ممكن تحسوا ان العملية معقدة شوية بس بجد بسيطة وهتحسوا بده فالانتخابات وتجرب بنفسك
طيب وليه اللخبطة اللى حصلت دى ؟بالنسبة ليا انا ان الوضع ده احسن من الاول لان المفروض ان النظام ده هيقضى على العصبية القبلية عندنا واللى بتسيطر دايما على الانتخابات عندنا ، والدليل على كده ان دلوقتى لو حبيت تحسبها بالعائلات هتلاقى ان كل بلد فيها عائلة كبيرة او اكتر ومرشحين ناس وبالتالى بقت المنافسة قوية جدا ومراكز القوة كتيرة فالدائرة

انا حاسس ان الموضوع طول وبقى ممل للقارىء .. هنكمل موضوع الانتخابات فى اجزاء تانى

السلام ختام













Hassan el-Sheikh

abuiyad